වෛශාඛ්‍ය මංගල්‍යය 2025 ශ්‍රී බුද්ධ වර්ෂ 2569 වන තෙමඟුල සිහි කරමින් වෙල්ලස්ස මධ්‍ය විද්‍යාලය විසින් පසුගිය මැයි මස 12 හා 13 වන දෙදින තුළ ආමිස හා ප්‍රතිපත්ති පූජා යන දෙංශයෙන් වැඩ සටහන් රාශියක් සංවිධානය කර සාර්ථකව නිමා කරන ලදි.
එහි දී, මැයි මස 07 වන දින පාසලේ දරු දැරියන්, අධ්‍යයන හා අනධ්‍යයන කාර්‍ය මණ්ඩලය වෙනුවෙන් ධර්ම දේශනාවක් පවත්වන්නට යෙදුණි.
එලෙස ම, පසුගිය 12 වන දින තාක්ෂණ අංශය විසින් සකසන ලද අලංකාර වෙසක් පහන් කූඩුව ප්‍රදර්ශනය කළ අතර වාණිජ අංශය විසින් එදිනට සහභාගී වූ සැදැහැවතුන්ට මඤ්ඤොක්කා දන්සලක් පවත්වන ලදි.
පසු දින එනම් 13 වන දින ද වෙසක් පහන් කූඩුව ප්‍රදර්ශනය කිරීම හා කලා අංශය විසින් පාන් සහ සීනි සම්බල් දන්සලක් පැමිණි සැදැහැවතුන්ට පිළිගන්වන ලදි.
තව ද, පාසල් පරිශ්‍රය සහ පාසලේ ඉදිරිපස අලංකාර වෙසක් පහන් කූඩු ප්‍රදර්ශනය හා ආලෝකමත් කිරීම 06 - 11 ශ්‍රේණිවල සහ විද්‍යා අංශයේ දායකත්වයෙන් සිදු කරන්නට විය.
මෙම අවස්ථාවන් සඳහා කොට්ඨාස අධ්‍යාපන අධ්‍යක්ෂ අසංක දිසානායක මහතා, නීතීඥ තුෂාර වීරසිරි මහතා, සෙංකඩගල ෆිනෑන්ස් කළමනාකරු, දිනුක පැතුම් මහතා, වෙල්ලස්ස ප්‍රවාහන සේවයේ අධිපති දිසානායක බණ්ඩාර මහතා, විරාජ් හෙට්ටිගමගේ මහතා, මිලානෝ හාඩ්වෙයාර් අධිපති අසේල පෙරේරා මහතා හා එම මැතිණිය ඇතුළු සම්භාවනීය අමුත්තන් රාශියක් සහභාගී විය.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
